Nr 12

Ég er út og suður með þessa talningu held ég. Settist bara núna niður og taldi aftur. Vikan er búin að vera góð. Varð reyndar svöng í gær upp úr kvöldmataleitið og jæks skapið sko. En þessa vikuna eru farin 2 kg Þannig að núna eru farin akkúrat 3,9 kg síðan 7 maí. Mest er nottla vatn því ég var búin að safna svo miklu svoleiðis. En ég er ánægð. Enn styttist í utanlandsferð. Erum að sko svona Bed & breakfast svo við getum gist 1 nótt við Lególand og skoðað vel. Kostar ekki mikið og mikið laust líka var hissa á því. Búin að skoða nokkra staði.  Jæja best að fara hafa sig í leikskólann. Heyrumst

Svo dugleg !! (dagur nr 8)

Jæja komin vika síðan ég byrjaði aftur. Er bara nokk sátt við mig. Fékk mér nú nammi á laugardaginn en ég hef bara líka ákveðið að það sé í lagi. Keypti meira segja snakkpoka til að stúta yfir Evróvisíon en þegar kom að því að snæða það þá langaði mér ekkert í það. Nartaði í 4-5 skífur og svo ekki meir. Bjó til þessa líka fanta fínu pizzu reyndar 3 en það voru margir í mat. Borðaði ekki of mikið og mjög sátt við það.

Svo á sunnudeginum var snakkið enn á borði og ég snerti það ekki. En mikið langaði mig samt í smá tíma. Er búin að vera rosa dugleg og drekka mitt herbalife og það er bara að virka núna. Svo er heitur matur heima hjá mömmu á kvöldin. Jæja ætli sé ekki best að skella sér í bælið. Var að reikna áðan og komst að því að það eru ekki nema 21 dagur þar til ég flýg til Köben og tek svo lestina yfir í Svíaríki. Góða nótt

Nammi dagur í dag

Vikan búin að ganga mjög vel. Næst er bara að fara mæta í ræktina aftur. Er búin að missa 2,5 kg frá því á mánudaginn. Reyndar er þetta aðalega vatn en samt gaman að sjá árangur. Nú er vigtin mín komin í skápinn þar til næstu viku. Nú er að fara í verslunarleiðangur og leita að skóm á guttan. Tala seinna.

jæja

Dagurinn gekk bara fanta vel. Gaman að horfa á Evróvisíon svona á fallegri íslensku. Sonur minn er voða monntinn í dag og ég líka. Hann var að kvarta undan einni tönninni sinni sem var víst eitthvað skökk. Jamm hún var það, þar sem hann er komin með fyrstu lausu tönnina sína. Reyndar eru þær tvær, báðar neðri framtennurnar. Þetta er svaka gaman og spennó. Greinilegt að krakkinn er að stækka. Jæja nenni ekki meir. Farin að sofa og er búin að setja hana vigtoríu mína inn í skáp nema á föstudagsmorgnum. Yfir og út :mamm verðandi tannálfur

Nr 4

Ég sver ég kann ekki að telja. Það er dagur nr 4 í dag þar sem ég byrjaði á mánudegi. Dagurinn í gær gekk bara mjög vel. Sé ekki fram á neitt nema þessi verði alveg jafn góður. Skelli meiru inn í kvöld.

Nr 2

Jæja dagur nr1 búinn, tæknilega nr2 þar sem ég byrjaði á mánudegi en var með pest þá þannig að það telst líka með. Það gekk nú bara ágætlega. Nema fékk þessa svakalegu nart og nammilöngun upp úr 20:00. Svo ég ákvað að fá mér popp. Held það sé svo sem í lagi. Bara einn poki af Orville Light. Ekki einu sinni safi með en slatti af vatni eftir á. Þessi dagur kemur til með að verða betri. Svo er bara næsta skref að fara vakna á venjulegum tíma, er nefnilega komin ca 1klst á eftir venjulegri áætlun. Verð að koma mér í farið því strákurinn byrjar í skóla í haust og þá verður ekkert mehe með það að vakna.

Jebb

Jæja ætli sé ekki best að fara koma sér í gírinn aftur. Talvan var bara á verkstæði eiginlega allan apríl nema yfir páskana en þá var ég ekki heima. Ég er sko alls ekki búin að vera standa mig. Enda er hart tekið á því núna. Búið að fara yfir heimilið og skutla öllu óhollu heim til múttu og sömuleiðis veskinu. Eina sem er hér er Herba dótið og skyr og morgunmatur fyrir strákinn. Er líka í kvöldmat heima hjá mömmu þar sem ég er verst á kvöldin. Þetta ætti að vera nóg til að koma mér aftur í gang.Þannig að svona lítur nýja matarplanið út ca: og já nottla fullt af vatni og grænu te.

morgunmatur: sheik með tilheyrandi vítamínum og svoleiðis
millibiti: ávextir ef ég verð svöng
hádegismatur: sheik með tilheyrandi eins og um morguninn
kaffi: skyr eða hrökkbrauð
kvöldmatur: bara heimilismatur hjá múttu bara minni skammtar

Fór í ræktina í morgun. Jíss hvað mér leið illa að ganga þarna inn. Eins og allir vissu að ég hafi ekki staðið mig (en auðvitað er þetta bara í hausnum á mér). Tók 20 mín á brettinu og þar af 3 mín í hlaup. Svo 10 mín á stigvélinni. 3×20 magaæfingar á bolta, teygði á og kom mér heim. Ætla líka fara á morgun.

Undafarið hef ég nebbla ekki staðið mig sem skyldi og hef orðið vör við að þegar ég fer upp í rúm á kvöldin fer ég einhvern vegin alltaf að hugsa um skólaárin og þau voru nú ekki neitt æðislega skemmtileg. Er svona hálf skelkuð við það að Kristó minn sé að fara í skóla. Og pínu hrædd um að hann lendi í öllu því sem ég gerði. Ekki að það hafi verið líkamlegt einelti en ef ekki einelti þá veit ég ekki hvað ég á að kalla það kannski hunsun. Vildi helst bara gleyma þessu öllu en eins og núna þegar ég fer að sofa kemur þetta allt til baka.

Út’ er alltaf að snjóa. …… …..

Jamm þetta er eins og að búa inn í svona snjókúlu sem maður hristir annað slagið. Svaka snjó flykki sem svífa voða hægt niður. Ekki alveg að ganga hjá mér ræktin (roðn). Og ekki maturinn heldur. Er búin að hesthúsa 2 stórum kalkúnabringu Subway í dag. Allt annað en ásættanlegt. Langar voða voða mikið að kaupa mér einn mán í einkaþjálfun aftur bara til að koma mér af stað aftur. En eninga meninga vantar meiri peninga. 

Ætla nú samt að koma mér í gírinn aftur. Ekki missa mig í namminu á morgun. Bara kaupa eina tegund er takmark dagsins og þá er það alls ekki snakk. Maginn hatar snakk. Ekki bland í poka (sniff). Og ekki 2 lítra gos. En fer samt í mat hjá mágkonu minni er boðið í pitsu. Mmmmm….  Jæja ætli þetta sé ekki bara fínt. Enn eitt takmark er að hætta ekki að blogga þó ég standi mig ekki í matnum.

Hey já ég varð 25 um daginn og mamma mín er besta mamma í HEIMI. Gaf mér sko gjafabréf í snyrtihús og mmm… kósý, en einn galli hehe ég þarf að ákveða hvað ég vil gera þar hehe. Takk mútter voða happý með gjöfina.

Heyrumst

Stuðið komið

Sit hér og sötra minn sheik. Svaf svo sem lengur en ætlun var. Þannig að engin rækt í dag. En ég er að fara í Byko og fá símanum mínum skipt LOKSINS. Hann er rétt um eins árs og hefur alltaf verið eitthvað klikk. Í gær reyndi pabbi minn að hringja og ég gat ekki svarað þar sem hvorugt tólið gaf frá sér hljóð. Hringdi því aftur í morgun og sagðist bara vera búin að gefast upp sem er sko löngu orðið satt. Tekur alltaf langan tíma að hitta þannig á að þú fáir són í símann. Jæja setja íþróttafötin í þvottavélina og skella sér í ræktina á morgun. Verst að ég get kannski ekki mikið, er svo illt í öðru “júgrinu” búin að fara til doksa og sagt að bíða bara þetta hlyti að fara. Vei ég og mín litla þolinmæði að bíða sko hahaha. Jæja ætli þetta sé ekki orðið fínt.